Karmapa

Karmapa
Die 16de Karmapa, Rangjung Rigpe Dorje (1924–1981)
Skool	Karma Kagyu

Die Karmapa (ook "Sy Heiligheid die Gyalwa Karmapa" of die "Karmapa Lama") is die hoof van die Karma Kagyu-skool van die Kagyu, wat een van die vier belangrikste skole van Tibettaanse Boeddhisme is. Die historiese setel van die Karmapa is die Tsurphu-klooster in Tibet. Sy hoofsetel in bannelingskap is die Dharma Chakra-sentrum in Indië.

Die eerste Karmapa was Düsum Khyenpa (1110–1193), ’n dissipel van die Tibettaanse meester Gampopa. Die vorige (16de) Karmapa was Rangjung Rigpe Dorje (1924–1981). Daar is tans ’n omstredenheid in die Karma Kagyu-skool oor wie die eintlike huidige 17de Karmapa is: Trinley Thaye Dorje of Ogyen Trinley Dorje.